جەماوەر نیوز
عێراق و ئەمریکا پابەندبوونی خۆیان بۆ دەستپێکی قۆناغێکی نوێی هاوکاریی ئەمنی دووپاتکردەوە.
سەباح نوعمان، وتەبێژی فەرماندەی گشتیی هێزە چەکدارەکانی عێراق، رایگەیاند، “بەگوێرەی رێککەوتنی ستراتیجیی ساڵی 2008 و بە پشتبەستن بە بەرژەوەندییە هاوبەشە ئەمنییە نیشتمانییەکانی هەردوو وڵات، بەرپرسانی باڵای ئەمریکی و عێراقی کۆبوونەوەیەکی راوێژکاریی تەکنیکییان لە بەغداد سەبارەت بە داهاتووی پەیوەندییە ئەمنییە دووقۆڵییەکان ئەنجامدا”.
دەشڵێت، بەشداربووانی کۆبوونەوەکە دووپاتیان کردەوە “قۆناغێکی نوێی هاریکاریی ئەمنی لە نێوان ئەمریکا و عێراق دێتەکایەوە بۆ ئەوەی عێراق بتوانێت ئاسایشی خۆی بپارێزێت و هاوڵاتییان پارێزراوبن”.
ئاماژەی بەوەشکرد، “بەرپرسە باڵاکان لە چەند مانگی داهاتوودا لە گفتوگۆ و راوێژ بەردەوامدەبن بە ئامانجی بەهێزکردنی هاوکارییە ئەمنییە درێژخایەنەکان و هەوڵەکانی بەرەنگاربوونەوەی تیـ.ـرۆر، پاڵپشتیکردن و بەرزکردنەوەی توانا و ئامادەیی هێزە ئەمنییەکانی عێراق، لەنێویاندا پێشمەرگە، و پێشخستنی بەرژەوەندییە هاوبەشەکان لە پاراستنی سەروەریی عێراق، سەقامگیریی ناوچەکە، و بەهێزکردنی پەیوەندیی ئابوریی نێوان هەردوو وڵات”.