جەماوەر نیوز
سەرۆککۆماری عێراق داوا لە دەنگدەردانی تایبەت دەکات، “چالاکانە بەشداریی هەڵبژاردنی ئەنجومەنی نوێنەران بکەن”.
د. لەتیف رەشید، سەرۆککۆماری عێراق لە پەیامێکدا داوا لە هێزە ئەمنییەکان و دەنگدەرانی تایبەت دەکات، “چالاکانە بەشداریی هەڵبژاردنەکان بکەن و بە ئازادی و دادپەروەرانە دەنگ بدەن لە هەڵبژاردنی نوێنەرەکانتان بۆ ئەنجومەنی نوێنەران”.
ئاماژەی بەوەشکرد، بەشداریی کارا و فراوان لە هەڵبژاردن دەبێتە هۆی پێکهێنانی حکومەتێکی فیدراڵیی نوێ، بەهێز و بەتوانا کە رەنگدانەوەی ویستی هاوڵاتییان بێت.
سەرۆککۆماری عێراق راشیگەیاند، بەشداریکردن لە هەڵبژاردن، پەیوەندییەکی دەستووری لەسەر بنەمای هاوکاریی نێوان هەردوو حکومەتی هەرێمی کوردستان و عێراق، هەروەها پارێزگاکانی دیکە بونیاددەنێت.